Lufta kundër informalitetit/ Inspektorët e hetimit tatimor mbushin xhepat

Lufta kundër informalitetit/ Inspektorët e hetimit tatimor mbushin xhepat

Prej disa ditësh Kryeministri dhe Ministri i Financave njoftuan betejën e re kundër informalitetit.

Hetimi tatimor një strukturë e Drejtorisë së Përgjithshme të Tatimeve ka filluar të zbarkojë nëpër biznese duke u kërkuar dokumentacionin dhe duke bërë vlerësimin nëse janë apo jo të rregullt.

Beteja kundër informalitetit duket një aksion i mirë i qeverisë, por nga luftë me paligjshmërinë po kthehet në hambarin e korrupsionit për xhepat e inspektorëve të hetimit tatimor të cilët po zhvatin dhe rrjepin çdo ditë bizneset në emër të betejës me informalitetin.

Në Tiranë, Elbasan, Durrës, Korçë ,Vlorë e kudo inspektorët e hetimit tatimor janë lëshuar si hiena për të shqyer viktimën e rradhës.

Në emër të ligjit me shkopin e Maliqit në dorë ata abuzojnë me kërcënime për gjoba, çuarjen në prokurori apo ndjekje penale për  bizneset ndaj të cilave pasi ushtrojnë presion, rrëmbejnë ç’të mundin dhe më pas largohen me xhepat plot.

“Kërkon shefi, kemi ardhur nga Tirana, ose e mbyll me ne ose fillojnë hetimet dhe gjobat që venë sa qimet e  kokës. Na jep një (bëhet fjalë për një million lek të vjetra) dhe ne ikim. E ke të mbyllme”.

Kështu u përball dje nje biznesmen në Korçë me inspektorët e hetimit tatimor të cilët në vend që të luftojnë informalitetin po mbushin xhepat e tyre me milionat e “gjobave” korruptive që vendosin tek bizneset . Një biznesmen i tha Cityneës se inspektorët e hetimit  tatimor mjafton ti paguash sipas vlerës që ata kërkojnë dhe ti mund të vazhdosh punën i qetë edhe si informal. I pyetur pse nuk i denonconte, biznesmeni tha se ndjehej i pambrojtur nga shteti dhe më mirë paguante hetimin tatimor sesa të shkonte në polici apo prokurori.

Qeveria shqiptare ka filluar një aksion kundër informalitetit i cili po kthehet në aksion që po godet biznesin dhe mbush xhepat e inspektorëve të korruptuar.

Ndoshta biznesi ka probleme pika të caktuar por bashibozukët e hetimit  me kamxhikun e korrupsionit në dorë nuk mund të shkojnë të kërcënojnë dhe rrjepin bizneset, ata duhet të bashkëpunojnë ti këshillojnë dhe ti asistojnë ndoshta dhe ti gjobisin sipas ligjit, jo të vendosin gjoba për xhepat e tyre në emër të shefave hajdutë dhe të korruptuar.

Në fakt në Shqipëri po ndodh e kundërta, kamikazët e korruptuar të qeverisë godasin biznesin, mbushin xhepat e tyre dhe informaliteti vazhdon të gërryejë bizneset në Shqipëri. Aksioni i qeverisë shërben thjesht dhe vetëm për t’u mbushur xhepat e disa bashibozukëve me uniformë të emëruar nga partia në pushtet./CityNews

  1. […] Lufta kundër informalitetit/ Inspektorët e hetimit tatimor mbushin xhepat […]

    Reply

Lini një koment

Adresa juaj e email nuk do te publikohet.

Read previous post:
Biznesmeni italian: Si më mashtroi Ndocaj me tenderin e TAP

Close