Ish-ministri i Ramës: Detyra e Kryeministrit dhunimi i sistemit legal

Ish-ministri i Ramës: Detyra e Kryeministrit dhunimi i sistemit legal

Ish-ministri i Drejtësisë Ylli Manjani ka vijuar akuzat në drejtim të kryeministrit Edi Rama.

Në një postim në rrjetet sociale, Manjani ka reaguar pas deklaratës së dhënë nga Rama për ekonominë.

“Krye i Pandehuri, (krye) autori i ekonomisë informale të Hashashit, po na mban leksione edhe për bankat dhe për ekonominë formale.

Hapu dhè! Të na përpijë më mirë, sesa të shohim (krye)informalin të na flasë për formalen! Krye të pandehurin që flet për ligjshmërinë! Krye shkelësin e barazisë para ligjit, që flet për “zbatim të ligjit për të gjithë njësoj”!

Fundja ky, si i kapur ne flagrancë, në krye të krimit dhe ekonomisë informale këtë punë ka: të shesë dengla me gjera që vetë i shkel, i dhunon e i përçmon!

Po një pyetje e kam për Guvernatorin e Bankës së Shtetit: Si mund të liçensohen banka me aksionerë, kapitalet e të cilëve vijnë nga bota e Off shore?! A mund të flasim ne sot për sistem bankar të besueshëm dhe për ekonomi formale, kur nuk njohim pronarët e bankave?

Edhe FMN e ngre këtë pyetje… Prandaj, kjo çështje meriton, jo thjeht një përgjigje, por një reagim të rreptë!”

Më tej ish-ministri ka theksuar se nëse ligji lë hapsira duhet rregulluar sa më parë.

“Përndryshe lumi i parasë së vënë nga hashashi do futet ne banka dhe Shqipëria do behet shumë shpejt një imituese e parajsave fiskale, por që mbaron si firmat piramidale!!!

Këto ndërhyrje, sigurisht nuk mund ti kërkohen krye autorit të informalitetit! Detyra e misioni i tij është dhunimi i sistemit legal!

Largimi sa më i shpejtë i krye autorit të Informalitetit, do ta reduktojë informalitetin! Por ndërkohë Guvenatori dhe deputetët e opozitës duhet të reagojnë. Ata nuk varen nga Krye i Pandehuri!

Duhet reaguar tani. Më vonë do jetë shumë vonë!” /CityNews

 

Lini një koment

Adresa juaj e email nuk do te publikohet.

Read previous post:
A do ta votojë LSI Buxhetin 2018?/ Ja ç’thotë Kryemadhi

Close